問1： 係唔係任何用戶都可以用到「漫遊數據全日通」?

答1： 只要你係SmarTone月費計劃客戶就可以使用「漫遊數據全日通」。

問2：「漫遊數據全日通」係唔係包括所有數據用途？

答2： 「漫遊數據全日通」可以用作收發電郵、用apps、上網同作網絡共享(Tethering)，但唔包括點對點傳輸應用程式(P2P)、FTP文件共享及視訊會議攝影機

問3：「漫遊數據全日通」所指一日嘅定義係指幾時至幾時？

答3： 一日嘅定義係指漫遊地區嘅當地時間00:00至23:59。

問4 邊部手機或平板電腦可以用到「漫遊數據全日通」?

答4 任何智能手機、平板電腦或iPad都可以用到「漫遊數據全日通」。

問5： 如果我啟動咗「漫遊數據全日通」，但無用到任何漫遊數據，我會唔會被收取日費?

答5： 唔會。「漫遊數據全日通」只會由使用數據當日開始收取費用。

問6： 如果我已經開啟漫遊數據服務，我係唔係已經自動享用「漫遊數據全日通」嘅固定日費?

答6： 要享用固定日費，你須要先啟動「漫遊數據全日通」。否則會被收取標準漫遊數據費用。

問7： 啟動咗「漫遊數據全日通」之後，當我每日嘅數據用量達到1GB時，我仲可唔可以繼續用到漫遊數據?

答7： 可以。當每日每地區漫遊數據用量達到1GB，上網速度調整至不高於512kbps時，我們會以SMS通知客戶，客戶可回覆SMS確認加購「漫遊數據全日通」全速漫遊數據。:

問8： 如何使用5G數據漫遊?

答8： 客戶需符合以下條件以體驗5G數據漫遊服務：
-選用指定SmarTone5G服務計劃的現有客戶
-使用指定型號手機(詳情按此)
-於SmarTone指定地區使用數據漫遊服務(例如:中國內地、南韓)

問9： 5G漫遊服務如何收費?

答9： 目前5G數據漫遊服收費沒有額外收費，客戶可用相同價錢於指定地區使用5G數據漫遊服務